శాంతి నక్షత్రములు

శాంతి చేయవలసిన 18 నక్షత్రాలు

కింది 18 నక్షత్రాలలో శిశువు జన్మిస్తే శాంతి చేయడం సంప్రదాయం. వీటిలో జ్యేష్ఠ నక్షత్రం అత్యధిక దోషం కలది. జ్యేష్ఠ చివరి 4 ఘడియలు, మూల మొదటి 4 ఘడియలు అత్యంత దోషకాలం.

• అశ్విని
• భరణి
• కృత్తిక
• రోహిణి
• ఆర్ద్ర
• పుష్యమి
• ఆశ్లేష
• మఖ
• పుబ్బ
• ఉత్తర
• హస్త
• చిత్త
• విశాఖ
• జ్యేష్ఠ
• మూల
• పూర్వాషాఢ
• పూర్వాభాద్ర
• రేవతి

పగలు, రాత్రి జననం

పుష్యమి 2వ పాదం కర్కాటక లగ్నంలో, పూర్వాషాఢ 3వ పాదం ధనుర్లగ్నంలో, చిత్త 2వ పాదం కన్యా లగ్నంలో, ఉత్తర 1వ పాదం సింహ లగ్నంలో జననం అయితే — పగలు పుట్టిన మగ శిశువు తండ్రికి, రాత్రి పుట్టిన ఆడ శిశువు తల్లికి గండం.

తప్పక శాంతి చేయవలసిన సమయాలు

బహుళ చతుర్దశి, అమావాస్య, సంధ్యా కాలం, గ్రహణ సమయం, వర్జ్యం, దుర్ముహూర్తాలలో జననం అయినా, లేదా తల్లి, తండ్రి, సోదరుల జన్మ నక్షత్రంలోనే శిశువు జన్మించినా ఎక్కువ దోషం. ఈ సందర్భాలలో తప్పక శాంతి చేయాలి.

లగ్న సంధి

ఏ లగ్నమైనా మొదటి 30 విఘడియలు (12 నిమిషాలు), చివరి 30 విఘడియలు (12 నిమిషాలు) లగ్న సంధి. ఈ సమయంలో పుట్టిన శిశువుకు 6 నెలలలోపు ఆరోగ్య భంగం, తండ్రికి అధిక ధన వ్యయం కలగవచ్చు.

మీన–మేష, కర్కాటక–సింహ, వృశ్చిక–ధనుస్సు లగ్నాల కలయిక వద్ద 1 ఘడియ (24 నిమిషాలు) గండాంత సంధి కాలం.

27 నక్షత్రాలకు చేయవలసిన శాంతి

నవవిధ శాంతులు

శాంతి నక్షత్రంలో శిశు జననం అయినప్పుడు, లేదా దోష నక్షత్రంలో స్త్రీలు రజస్వల అయినప్పుడు ఈ క్రింది శాంతులు చేయాలి.

1. 1తైలావలోకనం (నూనెలో శిశువు ముఖం నీడ చూడటం)
2. 2రుద్రాభిషేకం
3. 3సూర్య నమస్కారాలు
4. 4మహామృత్యుంజయ జపం
5. 5పైన చెప్పిన నక్షత్ర దానం, జపం
6. 6నవగ్రహ జపం, దానాలు
7. 7హోమం (పూర్ణాహుతి)
8. 8సువాసినీ పూజ (ముత్తైదువ పూజ)

శాంతి తర్వాత బ్రాహ్మణులకు అన్నదానం చేయాలి.